IND vs AUS 4th Test Match# ਚੌਥੇ ਦਿਨ ਦੂਜੀ ਪਾਰੀ 'ਚ ਆਸਟ੍ਰੇਲੀਆ ਦਾ ਸਕੋਰ 228/9, ਭਾਰਤ 'ਤੇ 333 ਦੌੜਾਂ ਦੀ ਲੀਡ

.

ਬਾਰਡਰ-ਗਾਵਸਕਰ ਟਰਾਫੀ ਦੇ ਚੌਥੇ ਟੈਸਟ ਮੈਚ 'ਚ ਆਸਟ੍ਰੇਲੀਆ ਨੇ ਭਾਰਤ ਖਿਲਾਫ 333 ਦੌੜਾਂ ਦੀ ਲੀਡ ਲੈ ਲਈ ਹੈ। ਮੈਲਬੌਰਨ 'ਚ ਖੇਡੇ ਗਏ ਮੈਚ ਦੇ ਚੌਥੇ ਦਿਨ ਆਸਟ੍ਰੇਲੀਆ ਦੀ ਟੀਮ ਨੇ ਦੂਜੀ ਪਾਰੀ 'ਚ 9 ਵਿਕਟਾਂ 'ਤੇ 228 ਦੌੜਾਂ ਬਣਾ ਲਈਆਂ ਹਨ। ਨਾਥਨ ਲਿਓਨ (41* ਦੌੜਾਂ) ਅਤੇ ਸਕਾਟ ਬੋਲੈਂਡ (10* ਦੌੜਾਂ) ਦੀ ਆਖਰੀ ਜੋੜੀ ਅਜੇਤੂ ਹੈ। ਦੋਵਾਂ ਵਿਚਾਲੇ 10ਵੀਂ ਵਿਕਟ ਲਈ 55 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਹੈ।

ਪੈਟ ਕਮਿੰਸ (41 ਦੌੜਾਂ) ਬਣਾ ਕੇ ਆਊਟ ਹੋ ਗਏ। ਜਦਕਿ ਮਾਰਨਸ ਲੈਬੁਸ਼ਗਨ ਨੇ 70 ਦੌੜਾਂ ਬਣਾਈਆਂ। ਜਸਪ੍ਰੀਤ ਬੁਮਰਾਹ ਨੇ ਐਲੇਕਸ ਕੈਰੀ (2 ਦੌੜਾਂ), ਮਿਸ਼ੇਲ ਮਾਰਸ਼ (0), ਟ੍ਰੈਵਿਸ ਹੈੱਡ (1 ਦੌੜਾਂ) ਅਤੇ ਸੈਮ ਕੋਂਸਟਾਸ (8 ਦੌੜਾਂ) ਦੀਆਂ ਵਿਕਟਾਂ ਲਈਆਂ। ਉਨ੍ਹਾਂ ਨੇ ਟੈਸਟ 'ਚ 200 ਤੋਂ ਜ਼ਿਆਦਾ ਵਿਕਟਾਂ ਲਈਆਂ ਹਨ। ਇਸ ਦੇ ਨਾਲ ਹੀ ਮੁਹੰਮਦ ਸਿਰਾਜ ਨੇ ਮਾਰਨਸ ਲੈਬੁਸ਼ਗਨ (70 ਦੌੜਾਂ), ਸਟੀਵ ਸਮਿਥ (13 ਦੌੜਾਂ) ਅਤੇ ਉਸਮਾਨ ਖਵਾਜਾ (21 ਦੌੜਾਂ) ਨੂੰ ਪੈਵੇਲੀਅਨ ਭੇਜਿਆ।

ਭਾਰਤ ਨੇ ਐਤਵਾਰ ਨੂੰ 358 ਦੌੜਾਂ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ ਅਤੇ 369 ਦੌੜਾਂ 'ਤੇ ਆਲ ਆਊਟ ਹੋ ਗਿਆ। ਨਿਤੀਸ਼ ਰੈੱਡੀ 114 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਜਦਕਿ ਮੁਹੰਮਦ ਸਿਰਾਜ 4 ਦੌੜਾਂ ਬਣਾ ਕੇ ਨਾਬਾਦ ਪਰਤੇ। ਇੱਥੇ ਆਸਟ੍ਰੇਲੀਆ ਨੂੰ 105 ਦੌੜਾਂ ਦੀ ਲੀਡ ਹਾਸਲ ਸੀ। ਪੈਟ ਕਮਿੰਸ, ਸਕਾਟ ਬੋਲੈਂਡ ਅਤੇ ਨਾਥਨ ਲਿਓਨ ਨੇ 3-3 ਵਿਕਟਾਂ ਲਈਆਂ। ਆਸਟਰੇਲੀਆ ਨੇ ਪਹਿਲੀ ਪਾਰੀ ਵਿੱਚ 474 ਦੌੜਾਂ ਬਣਾਈਆਂ ਸਨ।